選自《客家童謠美學賞析與美育創作》
 

烏鷯鷯

烏鷯鷯，腳跳跳，

跳上樹，呱呱叫。

有空耍貧嘴，

冇心梳羽毛，

整日毛發亂糟糟。
 

烏鷯鷯，腳跳跳，

跳下樹，是非播。

總愛挑矛盾，

唔愿尋食飽,

情愿肚餓咕咕叫。
 

烏鷯鷯，腳跳跳，

唔自強，弱嬌嬌。

冇力飛，冇力行，

冇力飛行愛跌跤。

跌跤旁人都喊該，

話佢笑佢唔學好。
 

注釋：

①尋食飽：尋找食物填飽肚子。

②愛跌跤：容易摔跤。
 

硬頸硬頸

硬頸硬頸，天生愛贏。

死唔認輸，總愛抗爭。
 

硬頸硬頸，一身本領。

牛角唔尖，唔敢過嶺。
 

硬頸硬頸，愛謀營生。

走南闖北，諳苦唔聲。
 

硬頸硬頸，唔怕犧牲。

奈里跌倒，奈里返生。
 

注釋：

①硬頸：客家地區指個性堅強耿直的人。

②諳苦：再苦再難的意思。

③奈里：哪里的意思。
 

客家賴子

客家賴子膽量大，

天不怕，地不怕，

背只行囊闖天下。
 

客家賴子心志大，

心多大，天多大，

天大地大世界大。
 

注釋：

賴子：客家人對男孩子的親切稱呼。
 

作者：黃日新周云水