1

肚抜餓，肚抜餓，

禁穩大門唱山歌。

哪人話涯風流仔，

肚抜餓倒冇奈何。

2

老鼠仔，叫吱吱，

叫乜野？叫鎖匙。

叫鎖匙做乜野？開籠仔。

開籠仔做乜野？織畚箕。

織畚箕做乜野？撿豬屎。

撿豬屎做乜野？翁金瓜。

金瓜長長，擺到船塘。

金瓜短短，擺到上莞。

3

亞女嫲，嫁南壩。

又有糖，又有蔗。

又有雞屎嫩糍粑，

又有黃豆打缺牙。

4

阿網網，阿鑾鑾。

養大亞仔來撐船。

拿條長竹做船篙，

拉拉溜溜下河源。

5

柯樹笠，笠過河，

單身哥，冇老婆。

6

不倒翁，搖搖動。

搖到半夜有條蟲。

佢爸來點火，

佢媽來夾蟲。

7

阿妹妹來阿妹妹，

阿哥生日你愛來。

三只雞公把只宰，

三埕老酒把埕開。

8

簕擋仔，打白花，

阿嬸仔，嬲妹家。

七月去，八月歸。

歸來水甕冇滴水。

鵝挑水，鴨挑水，

雞公磨谷狗舂碓，

蠄蜍放火貓炒菜。

9

螢火畢卜，

下來食肉。

問涯食乜野菜？

咸解撈豬肉。

10

月光光，照四方。

四方矮，落老蟹。

老蟹黃，跌落塘。

塘東心，有枚針。

塘角下，有條蛇，

嚇死蝦公倆仔爺。

11

鷓鴣笠喳喳，

舂粄睇舅爺。

舅爺唔在屋，

打爛鍋頭督。

12

肚臍深，裝黃金。

肚臍淺，裝瓦片。

肚臍窿窿，害絕人種。